செங்கம் நடுகற்கள்: கீழ் ராவந்தவாடி - இரண்டாம் நந்திவர்மன் கால ஊர் காக்கப் பட்டான் நடுகல்

 பயணம் 

12/07/2022 சுபகிருது ஆண்டு, ஆனி மாதம், 28 ஆம் நாள் செவ்வாய் கிழமை

அமைவிடம்

கீழ் ராவந்தவாடி திருவண்ணாமலை - அரூர் - சேலம் சாலையில் திருவண்ணாமலையில் இருந்து 17 கிமீ தூரத்தில் உள்ள ஊர். சாலையில் இருந்து சுமார் 300 மீ தூரத்தில் உள்ளது அவ்வூர் வேடியப்பன் கோயில். வழியில் ஒரு பழைய ஆஞ்சனேயர் கோயில். அங்கிருந்து நடந்து செல்ல வேண்டும். வேடியப்பன் கோயில் நன்கு பராமரிக்கப்பட்டு வழிபாட்டில் உள்ளது.

கூகிள் வரைபடத்தில் இடம்: 12.154724513628485, 78.93235540401501 
'Keezravandhavaadi vediyappan temple' என்று குறிக்கப்பட்டுள்ளது.

வேடியப்பன் கோயில், கீழ் ராவந்தவாடி

நடுகல்

வேடியப்பன் கோயிலில் நடுகல் நடுநாயகமாக ஒரு மேடை மேல் கிழக்கு நோக்கி நிறுவப்பட்டுள்ளது.

வேடியப்பன் கோயில் நடுகல், கீழ் ராவந்தவாடி

சிற்பம்

வீரனது உருவம் வலப்புறம் பார்த்த நிலையில் உள்ளது.  இடது கையில் வில்லும் வலது கையில் குறுவாளும் ஏந்தியுள்ளான். தலைமுடி பின்னால் குடுமிபோலத் தொங்குகிறது.  குட்டையான இடையாடை அணிந்துள்ளான். இடைக்கச்சின் முடிச்சு பின்னால் உள்ளது. அவன் இடது தோளிலும் மார்பிலும் அம்புகள் பாய்ந்துள்ளன. வலது காலுக்குப் பக்கத்தில் சிமிழும், இடது காலுக்குப் பக்கத்தில் கெண்டியும் உள்ளன. இவை மங்கலச் சின்னங்கள். 

கல்வெட்டு

(வட்டெழுத்து)

கோவிசைய நந்தீச்சுவ
ர விர்கிரமபருமற்கு யாண்டு நாற்பத்
து நாற்காவது மலாட்டு மேற்கோவலூர் நா
ட்டு இராமந்தைவாடி மேற் மங்கள பெரு
மனார் படை வந்த ஞான்று வாணபெருமானார்க் கா
ய்ப் பட்டான் வேணர்
க் களியன்.

கல்வெட்டுப் பொருள்

பல்லவமன்னன் நந்திவர்மனின் (பொ.ஆ. 731-796) 44 ஆவது ஆட்சிஆண்டில் மலாட்டு மேற்கோவலூர் நாட்டு இராமந்தைவாடி மீது
மங்களப்பெருமனார் படையெடுத்து வந்த போது 
வாணபெருமானாருக்காக வேணர்க்களியன் என்பவன் வீரமரணம் அடைந்தான்.

இராமந்தைவாடி = இரா+மந்தை+வாடி =  இரவில் மாட்டு மந்தைகளை அடைத்து வைக்கும் இடம்.
இப்பெயர் இப்போது ராவந்தவாடியாக மருவியுள்ளது. 
இந்நடுகல் தற்போது வேடியப்பனாக வணங்கப்படுகிறது.

தகவல் பலகை

திருவண்ணாமலை மாவட்ட வரலாற்று ஆய்வு நடுவக் குழுவினர் ஒரு தகவல் பலகையை வைத்துள்ளனர்.


வழியில் உள்ளவை

புதிப்பிக்கப்பட்டுள்ள அனுமன் கோயில்

அனுமன் கோயில்முன் தீபத் தூண்

தீபத் தூண் அடியில் ஒரு கல்வெட்டு

அம்மாகுளம்

இவ்வூரின் மற்றொரு தொல்லியல் அடையாளம் அம்மாகுளம். இது தமிழ்நாடு அரசின் தொல்லியல் துறையால் பராமரிக்கப்படுகிறது. இது ஒரு சிற்பக்குளம். குளச் சுவர்களிலும் படிகளிலும் பல்வகை சிற்பங்கள் நிறைந்துள்ளன. அவற்றில் பாலியல் சிற்பங்களும் உண்டு.

துணை

செங்கம் நடுகற்கள்; பதிப்பாசிரியர்: டாக்டர் இரா நாகசாமி; தமிழ்நாடு அரசு தொல்பொருள் ஆய்வுத் துறை; 1972








கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

ஜேஷ்டா தேவி (சேட்டை, மூதேவி)

படம்
பெயர்  ஜேஷ்டா என்றால் வடமொழியில் மூத்த என்று பொருள். (ஜேஷ்ட புத்திரன் = மூத்த  மகன்). ஜேஷ்டா தேவி = மூத்த தேவி. சுருக்கமாக 'மூதேவி' - 'மூ'  என்ற முன்னொட்டு மூத்த என்ற பொருள் படுகிறது (மூதாதையர்). ஜேஷ்டையின் தமிழ் வடிவம் 'சேட்டை'. சூடாமணி   நிகண்டு ஜேஷ்டைக்கு 13 பெயர்களைக் குறிப்பிடுகிறது. மூதேவி-மூத்த தேவி  தெளவை-மூத்தவள் முகடி  சீர்கேடி-சீர்களைக் கெடுப்பவள்  சிறப்பில்லாதாள்  கேட்டை-கேட்டிற்குரியவள்  கெடலணங்கு  சேட்டை-மூத்தவள் ஏகவேணி-ஒற்றைச் சடையான கூந்தலை உடையவள் கலதி-கீழானவள்  இந்திரைக்கு மூத்தாள்-திருமகளுக்கு மூத்தவள் காகத்துவசம் உற்றாள்-காக்கைக் கொடியுடையாள் கழுதை வாகினி   இப்பெயர்களில் சங்க இலக்கியச் சொற்கள் எவையும் இல்லை. 1 - 7  பிற தமிழ்ச்சொற்கள். 8 - 10  வடசொற்கள், 11 - 13  மணிப்பிரவாளச் சொற்கள்.  கூடுதலாக கயாதரம் 'கரக்கொடிமங்கை' என்ற பெயரை குறிப்பிடுகிறது. தமிழிணையக் கல்விக் கழகத்தின் தமிழ் மின் நிகண்டு சேட்டைக்கு முகடி, தெளவை,  கலதி,  மூதேவி...
மேலும் படிக்கவும்

நெடுங்குணம் 1: அறிமுகம்

படம்
சிறப்புகள் ராமர் யோக நிலையில் அமர்ந்துள்ள தமிழகத்தின் மிகப் பெரிய ராமர் கோயில். ஊரின் பெயர் காரணமாகத் திகழும் மலை. தீர்காசலேசுவரர் கோயில் இரு கோயில்களையும், மலையையும் இணைக்கும் சுகப் பிரம்மத்தின் புராணம். ராமர் கோயில் மண்டபத் தூண்களிலும், கோபுரங்களின் உட்சுவர்களிலும் உள்ள அழகிய சிற்பங்கள். 100 ஆண்டுகளுக்கு மேல் பழமையான மலை மாதா கோயில், வரலாற்றுச் சிறப்பு வாய்ந்த செய்திகளைக் கூறும் பல கல்வெட்டுகள். மூன்று சதிக்கற்கள். ஆங்கிலேயர் கால பயணியர் விடுதியும், பீரங்கிகளும் தீர்க்காசலம் என்ற நெடுங்குன்றம் - மேற்கிலிருந்து அமைவிடம் நெடுங்குணம் ஊராட்சி தமிழ்நாட்டின் திருவண்ணாமலை மாவட்டத்தில் உள்ள சேத்துப்பட்டு வட்டத்தில் அமைந்துள்ளது. இவ்வூர் போளூர் சட்டமன்றத் தொகுதிக்கும் ஆரணி மக்களவைத் தொகுதிக்கும் உட்பட்டது. அருகிலுள்ள நகரம் சுமார் 4 கிமீ தூரத்தில் உள்ள சேத்துப்பட்டு. மாநில நெடுஞ்சாலை எண் 115 (செய்யூர்-வந்தவாசி-போளூர்) நெடுங்குணத்தின் வழியே செல்கிறது. திருவண்ணாமலையில் இருந்து 47 கிமீ, வந்தவாசியில் இருந்து 25 கிமீ மற்றும் ஆரணியில் இருந்து 30 கிமீ தூரத்தில் உள்ளது நெடுங்குணம். ஊர்ப் பெயர் நெடுங்...
மேலும் படிக்கவும்

கூழமந்தல்

படம்
சிறப்பு  முதலாம் ராஜேந்திர சோழன் ஆட்சி காலத்தில் அவன் கங்கை கொண்டதன் நினைவாக அவன் குரு எடுப்பித்தக் கோயில். முழுதும் கல்லால் ஆனது. பிற்கால கோயில்  கட்டுமானங்களால் சூழப்படாமல் சோழர் கலைக்கு உதாரணமாக உள்ளது. பயணம்  கூழமந்தல் திருவண்ணாமலை மாவட்டத்தில் உள்ள ஒரு சிற்றூர். திருவண்ணாமலையில் இருந்து சேத்துப்பட்டு - வந்தவாசி வழியாக காஞ்சிபுரம் போகும் சாலையில் வந்தவாசியிலிருந்து சுமார் 22 கிமீ தூரத்தில் உள்ளது.  இரண்டு நாள் திருவண்ணாமலை -  சேத்துப்பட்டு - வந்தவாசி - செய்யாறு பயணத்தின் முதல் நாள் (விகாரி ஆண்டு ஆவணி மாதம் 8 ஆம் நாள்  - 25/08/2019) நெடுங்குன்றம், மடம், தென்நாங்கூர் ஆகிய ஊர்களைக் கண்ட பிறகு மாலை  கூழமந்தலுக்கு   வந்தேன். பெயர் வரலாறு  * கல்வெட்டுகளின் படி இவ்வூர் 'ஜெயங்கொண்ட சோழ மண்டலத்து காளியூர் கோட்டத்துப் பாகூர் நாட்டில்' அமைந்திருந்தது. முதலாம் ராஜேந்திர சோழன் காலத்தில் ' கங்கை கொண்ட சோழபுரம்'  எனவும் அவன் மகன் முதலாம் ராஜாதிராஜன் காலத்தில்  விக்கிரம சோழபுரம் எனவும் அழைக்கப...
மேலும் படிக்கவும்